చేసింది చెప్పుకోకూడదని కొందరు అంటారు. కాని తలచుకోకూడదని ఎవరూ అనరు. అందుకే నేను ఈ సంవత్సరం లో రాసిన కధనాలు, వాటి వాళ్ళ కొంత మందికి జరిగిన మేలు... ఇలా తలచుకున్నాను. వెళ్ళిపోతున్న రెండు వేల తొమ్మిది కి వీడ్కోలు పలుకుతూ అది నా వ్రుత్తికి చేసిన మేలు కూడా తలుచుకున్నా. 
సేవామార్గం పట్టిన వారిని మనం చాల గొప్పగా చూస్తాం. నోటికొద్దీ పోగిదేస్తాం. కాని వారి నుంచి మనం స్ఫూర్తి పొందాలన్న విషయం తెలిసో తెలియకో మర్చిపోతూ ఉంటాం. స్ఫూర్తి పొందిన వారంతా మదర్ తెరిస్సాలే కానక్కర్లేదు. చిన్ని చిన్ని పనులతోనే మేము సైతం అంటూ సేవానందాన్ని స్వంతం చేసుకోవచ్చు. అదే ఈ కధనం. 
పెడా వ్యాయామాలు చేసేస్తున్నాం. అందులోనుంచి ఎంత ప్రతిఫలం పొందుతున్నాం? అసలు ఆనందించకుండా చేసే పని ఏదైనా సరైన రిసల్ట్ ఇస్తుందా... ఒక్క సారి సెల్ఫ్ చెక్ చేసుకుంటే మంచిది కదా...
సేవ, పరోపకారం ఇలాంటి మాటలు ఎవరి నోటి నుంచైనా వస్తే వారు వయసు మీద పడిన వారే అయి వుండేవారు. ఇపుడు కూడా సేవా కార్యక్రమాలకి జీవితాన్ని అంకితం చేసిన వారిని చూస్తె వారు ఎక్కువగా పెద్దలే కనిపిస్తారు. పాతికేళ్ళు కూడా లేని యువతి పెళ్లి ఆలోచనలకు గుడ్ బై చెప్పి మరీ మురికివాడల పిల్లల కోసం జీవితాన్ని అంకితం చేయడం అరుదుగా మాత్రమే చూస్తాం. అలంటి అరుదైన అమ్మాయి రోజీ.
బోలెడన్ని మంచి అలవాట్లు... మనం మర్చిపోతున్నాం. దేవుడి పేరిట వాటిని ఆచరించి అలవాటుగా మార్చుకోవడమే మాలధారణ కు ప్రేరణ. అయ్యప్ప మాలతో మొదలై వేంకటేశ్వర , శివ, భవానీ మాలలు ధరించే ఆచారం పెరుగుతోంది. మంచిని పూర్తిగా వదులుకోలేని మనిషి మనసులోని అలవాటుని ఇది చూపుతోంది.
-ఎస్. సత్యబాబు
ఆదర బాదర కంచం ముందు కూర్చోవడం ఏదో తిన్నామని పించి లేచిపోవడం. ఎన్ని కష్టాలనైనా భరించేది ఆ చిన్ని బొజ్జ కోసమే కదా. తృప్తిగా భోంచేసి దాన్ని మనస్పూర్తిగా ఆస్వాదించడం, మన వారితో ముచ్చట్లాడడం... అంత కు మించిన ఆనందం ఎలా దొరుకుతుంది? వనభోజనంలో దానికి సమాధానం దొరుకుతుంది.
పిచ్చుక ఓ గొప్ప స్నేహశీలి. నిరాడంబర జీవి. అంతే కాదు గొప్ప ఆర్కిటెక్ట్ కూడా. దాని గూడు అది కట్టుకునే తీరు చూస్తె తెలుస్తూంది. చిన్న వయసులో పిచ్చుకల సందడిని చూస్తూ ఆనందించిన వాడిగా... అవి కనుమరుగు అవుతుంటే... ఇలా -అక్షరాలా -భాధ పడుతున్నా. 
ఒక వ్యక్తి బ్రతికున్నప్పుడు కంటే ఆయన లేనపుడే ఆ జ్ఞాపకాలు బాగా బ్రతుకుతాయి. అందులో సందేహం లేదు. మన మధ్య లేని వ్యక్తిని గురించి మనస్పూర్తిగా మాట్లాడతాం. ఆ మాటలు వినడానికే కాదు చదవడానికి కూడా బాగుంటై. అదీ వై ఎస్ లాంటి ప్రముఖుని గురించైతే ఇంకా బాగుంటై. వై ఎస్ గురించి ఆయన ను రాజకీయాల లోకి తీసుకువచ్చిన ఓ పెద్దాయన చెప్పిన స్మృతులే ఈ కధనం.
